Tunlai a Social media lam a hnamdang, naupang rukbo ching awm ang a thuthang awm chungchang ah nimin khan Central YLA chuan thuchhuah siamin, Naupang man leh rukbo chungchang Social media ah a darh nasa a. a tak tak a thil thleng anih chuan ngaihthah chi ani hauh lo a, Central YLA pawh mawhphurtu manchhuak turin a in ring reng a , CYLA pawn a ngaihven reng laiin thuchiang hriat theih a la awm lo a, mipui ti thlabar zawng a thu post darh hi thudik ani tih lanna kan la hmulo ani. Chuvangin, hetiang thil thleng a tawng ngei kan awm chuan CentralYLA ah a rang lama hriattir turin kan inngen a, thudik ziktluak lo erawh post darh chiam chiam lo turin mipuite kan inchah a. heng thuchiang lo leh rindan post tamtak avang hian mipuite chiai lo turin kan in chah bawk ani. tiin an thuchhuah ah an tarlang.
Social Media lam ah, mihring taksa peng pakhat Kal (Kidney) ruk hmang, hnamdang an awm ni a sawi chungchang ah, Police lam chuan Lawngtlai District chhung ah hetiang lam hawi report dawn an la neih loh thu an sawi a, Social media lam a thuthang awm chu an hriat thu leh, mihring rukbo leh a kaihnawih ang chi ah rinhleh neite chuan rangtaka Police hriatturin an ngen a, a tul hun ah chechhuak turin Police te chu an inpeih reng thu leh, thil awmdan an thlithlai reng thu an sawi.
