Social Media a thuthang vanga mipui chiaina hi a thlengfova, Mizoram chu sawiloh, Lawngtlai ah ngei pawh hetiang thil hi thil thar niin a hriat loh.
Thilthar nilo mahse, mipui tichiai thei ang chi hi, mipui lamin belhchiandawl a nih leh nihloh an thliar hran theih mai thin loh vangin, a hunlai chuan buaipui leh sawi pawh a hlawh viau thin.
Tunhnai mai a Naupang rukbo ching an chetna niawm a thuthang awm pawh, dawtthuthang anga han puh ngawt hleihtheih nisilo, finfiah mai harsa ang reng tak ni si in, Mizoram a tuam a, hetihlai a, Central YLA in mipui thla muana, thuchhuah a han siam te kha a lawmawmin, Police lamin hma an han la nghal te khan, mipui a tithlamuang khawp mai.
Social Media hman fimkhur a ngaihzia hi sawizin ngaiber zing a mi a ni hial in a rinawm a, belhchiandawl a nih leh nihloh finfiah hmasa lova, thuthehdarh hi mipui chiaina thlentu langsar tak pakhat niin a hriat a, fimkhur tlan a ngai khawp mai.
Social Media hman sual vanga hremna awm te pawh khauh zawka kalpui a tulin, mipui ti chiaithei leh thil duhawmlo tak tak a la darh fo dawn tih ringngam chung a, hetiang laka invenna hi nasa zawka kalpui a pawimawh viau in a hriat a ni.
Tags
Editorial