Lawngtlai-III leitlakhniamna lai a, National Highway ping, mimal ram a helna, tunthla tir a ram neituten an pin chu nimin atang khan hawn a ni a, khawtlang hruaituten thla li chhungin kawng siamthat an phut.
Lawngtlai-III kawngpinna lai hi kumin July 19 zan atang khan motor tlan theih loh hi kawngpui thlanglam a chim a, a chhak lam a mimal ram chu motor tlan lailawk nan hmansak niin, ram neitute hian sorkar atangin thu engmah an dawnzuiloh vang leh, an motor workshop khar a ngaihphah vangin, October ni 1 atang khan dan a ni a, helai hmun hi nimin zing khan Lawngtlai East bialtu MLA, Pu H.Biakzauva hovin, khawtlang hruaituten an en a, ram neitute nen inberemin, nimin khan kawngchhia helna hi hawn a ni. Nimin tuka L-III, MDC, Pu T.Lalengmuana te In a, MLA hova khawtlang hruaitute thukhawm chuan, kawngchhe lai hi kumthar 2020 February thla ral hma in siamthat an phut thu an sawi.
National Highway 54 Aizawl to Tuipang hi double lane a siamtur niin, National Highway Insfrastructure Development Corporation Limited (NHIDCL) chuan an thawk dawn a, Mizoram PWD ten NHIDCL kut ah mawhphurhna an hlan tawh vang leh, NHIDCL ten hna an la tan tak tak theih loh vangin siamtha tur a hmalak hi a chak vut vut theilo tih Pu H.Biakzauva chuan a sawi a, kawngchhia siam nan hian Mizoram PWD chuan Cheng Vaibelchhia 2.44 senna tur ruahmanna siamin, thuneitu sang zawk ah an thehlut tawh a ni.
Tags
News