Electoral Roll thar siamtur a hmalatu pawimawh tak, Booth Level Officer te hma ah Central YLA President chuan, Electoral Roll siam ah fimkhur a ngaih thu sawiin, ram leh hnam humhalh nan BLO te chuan hlawk takin hna an thawk thei tih nimin khan a sawi a, CYLA President thusawi hi, englaipawhin ram hmangaihtute chuan an mahni zawn theuh ah kailutin an vawn reng atan a tha khawp mai.BLO te hi Vote nei thuntur leh paih tur chungchang ah, mipuiten Election Commission aiawh, an dawr theih awlsam ber an ni hial awm e, an ni hian rimtakin ram leh hnam tan, dan behchhanin an hna an lo hlenchhuak tawh thin a, khawilai ah emaw, fuhlo zeuh erawh thil awmthei a nih rualin, an inpekna erawh a hlu khawp mai. Hetiang a nihmek lai hian Central YLA chuan ramdangmi, danlova khua leh tui nihna nei an awm hlauvin thapui chhuahin hma a la mup mup a, hetiang a kawng hrang hranga an hmalakna hian awmzia a nei ngei ngeiin a rinawm a, CYLA duhdan chu YLA Member tute pawn an duhdan ah an pawm a, an theihna zawn ah hma an lak a pawimawh a, ramdangmi awmsa bak ah awmbelh tur thleng a vengtur a YLA ke pen hi ram hmangaih vang a nih miau vangin, enkan chi a nilova, tha taka zawm mai hi helam a mawhphurhna neiten an tihtur niin a hriat a ni.
Tags
Editorial