Lawngtlai khawpuiin hma a sawn chhoh zel theih nan te, mipui, mimir nunin hmalam a pantheih nan te, Sorkar hmalakna piahlam ah, Tlawmngaipawl lam pawn hma an la nasain, mumal zawka inkaihhruaina atan, khap neuh neuh pawh a awm nual mai. Hengte hi mipui tan vek a ni.Hetihlai hian, man emaw, hrem emaw tawh kher lova khapna ringawt ngaipawimawhlo te vangin khawpui hmel a bal fo thin.
Thupek chhuah emaw, khap emaw a awmin, a hnulam a vilzui a pawimawh in, vilhnehtur siloh chu khaploh law law mai emaw pawh a fuh zawk angem tiin ngaihtuahna pawh a hruai thei lek lek tawh. Anihna taka chuan, khawpui mawina tur a khapna chi hrang hrang awmte hi, mipangngai tan chuan khap kher ngailo, nunphungin a kentelsa a ni a, hetiang a nih rual hian, a zawmlote manchhuah a, an phutawk hremna lek lam ah, Sorkar lam pawh a tha a thum deuh em aw a tih theih a, kum engemawzat atanga kan kaldan enhian, thupek leh ngenna te zawmlotute hi midang entawn atan pawh an chungah hremna na ve deuh pek thin hi a hun viau tawh in a hriat a ni.
Tags
Editorial