AH & Vety Deptt. chuan, Ran vulhtute pualin, Training a buatsaih

      LADC a  AH & Vety. Department buatsaihin nimin khan LADC Conference Hall Lawngtlai ah ran vulhtute tan ‘Training on Livestock Diseases & Importance of Deworming’ neih ani.

       
He Training hi , Dr. Lalnunpuia Chinzah, District Council Veterinary Officer  kaihhruai ah hian, Training hmanpuitu, Pu C. Lalneihkhuma, Executive Member, A.H. & Vety. Department changtu chuan, ranvulh chu eizawnna tham a tlin thu leh, tihtakzet a beitute chuan a hlawhtlinna an seng mek tih sawiin, ran chu mihringte ang bawk a, natna in a tlakbuak ve reng an nih vangin, an hriselna ngaihpawimawh sak chu a vulhtute mawhphurhna a ni a, hetianglam a mithiamte biakrawn peih a pawimawh hle a ni a ti.

Training ah hian  Dr. Lalthazuali, Scientist, KVK Lawngtlai  chuan  ranvulh chi hrang hrangte natna leh hrileng lo awmdan, an inkaichhawndan, a enkawl dan te leh inven dan te a sawi a, zawhna leh chhanna hun hlawktak a hman a ni

LADC A.H. & Vety. Department chuan hetiang lam hawi training hi vawi engemawzat lo nei tawh in, khawpui leh thingtlang hmun hrang hrangah te Vety. Free Clinic buatsaihin ran damdawi te pawh a thlawnin sem thin ani.