Multi Modal kawngpui chu thawh chhoh mek a ni a, ruahmanlawk ang chuan kumthar ah hian zawh hman tum a ni, kawngpui engmawchen chu a nihtur angin zawhfel a ni tawh a, blacktop kawngpui tluang tha tak chu thalaite tan lenkhawthawnna leh intihhlimna a
tan hmun tha tak a ni.
Hetihlai hian, he kawngpui hi hawn a la nilova, a nihna tak ah chuan, thuneituten phalna an pek tihloh tan he kawngpui a tlan hi a remlo a, mipui mamawhna a nasat vangin, ngaihhnathiamna nen, a bikin khawtlanglam phei chuan an chhawr tangkai hle tawh a ni.
He kawngpui ah hian thalai lengkhawthlawng hmuhtur a bikin Sunday ah phei chuan an awm nual thin a, Lawngtlai in lenkhawthawnna tur hmun thar a neihbelh hi a lawmawm a, hetihrual hian Bike intlansiaknan a hmang an awm fo thin erawh thuneituten an mitmei deuh a tul in a hriat a, chetsualna pawh a thleng leh zeuh thin a, chetsualna lian zawk a thlen hma in, helai kawngpui a thalaite chetvel dan hi thlithlai deuh a tul in a hriat a, a hnawtdarh zawng nilo, nunphung pangngai pello a he kawng hi an hmantheih nan hmalak hi a tul in a hriat a ni.
Tags
Editorial