Mizoram Journalists Association, General Hqrs. Aizawl hruaituten Zirtawpni Oct. 25 khan LADC, Dist. Hospital leh Lawngtlai-III leitlak hniamna lai an tlawh.
MJA Gen Hqrs. President Pu Zonun sanga Khiangte hovin, Vice President, Treasurer leh General Secretary te chuan Siha an tlawh hnu ah Zirtawpni khan Lawngtlai tlawh in, LADC, Executive Secretary Pu H.Lalramenga an kawm a, LADC chu pawnlam atanga thlir a, budget zawng zawng thawktute hlawh leh inenkawl nan a hmangzo vek anga ngaihna awm thei chu a diklo tih Executive Secretary chuan a lo hrilh a, LADC budget chu State atanga bitukzat awmsa chhung a khungleng tur a ruahman thin a nih thu a sawi bawk, tun dinhmun ah LADC ah thawktu 1989 an awm tih sawiin an zinga 1000 chuang chu zirtirtu an ni a ti a. Kum 2017 atangin MDC ten area development fund an nei tan a, kum tin Rs. nuai 2 an pe tih an sawi a. LADC ah chuan nominated MDC te pawhin area development fund hi an dawng ve a, tul an tihna hmunah te an hmang thin niin an sawi bawk.
MJA hruaitute hian kum kalta a Kayalkalp Award dawngtu Lawngtlai District Hospital an tlawh a, Medical Supt. Dr. Zothanpari Chhakchhuak leh thawktu dangten lo dawngsawngin, damdawiin enkawl a nidan MJA hruaitute hi lo hrilhin, Lawngtlai Damdawiin chu mipuiten an ta a ni tih an hriatchianna vanga Kayalkalp Award hial dawng thei an nih thu leh kumin ah pawh Award dawn ngei tum a hmalakna kalpui a nih thu na sawi.
Hemi hnu hian kumin July 19 zan a motor kaltlang theih loh va National Highway, Lawngt lai-III huamch hung a chim chu an tlawh leh a, bialtu MDC, Pu T.Lalengmuana leh Khawtlang hruaitute lo dawngsawngin, helai leitlanhniam vanga mipuiin an tawrhna chu a nasat tawh zia leh sorkar in ruahmanna tha zawk nen hma la se an duh thu MJA hruaitute hi an lo hrilh.
Tags
News