Myanmar Sipai ten Mizoram atanga Rakhine State a bungrua lakluh, an chhekkhawmna an bomb.

 Ni 28 September 2026 khan Kyauktaw khawpui ah Burma sipai in Airstrike  an nei a, Chhimtuipui hmun hnih ah bomb an tlak a. Report kan dawn danin thizat 50 an tling tawh a, hiam na tak tuar  21 an awm mek.  

Kyauktaw hi Sittwe atanga hmar lam km 50 vela hla, Chhimtuipui kama awm, Mizoram-India atanga bungrua an lak luh zawng zawngte Rakhine State hmun hrang hranga an thawn chhuahna hmunpui leh insumdawm tawnna hmun pawimawh tak  a ni. 

Burma sipai in Yangoon leh Mandalay atangin bungrua an lak luhna kawng an khar sak avangin Rakhine State-a mipui nuaih 30 vel chengte  mamawh chu Mizoram atangin lak luh a ni .

Hetianga Rakhine State in an mamawh an lakluhte tihkhaihlaka, tihtawp tumna Myanmar Sorkarin a neih mek vang hian Mizoram nen ramri thuitak intawm, an mamawh lakluhna luhka lian awmna a nih vangin fimkhur deuh a tul a rinawm thu The Lawngtlai Post thulakna chuan a sawitel.