OFFICE OF THE CENTRAL YOUNG LAI ASSOCIATION
P.O. LAWNGTLAI - 796891, MIZORAM, INDIA
REGD. NO SR 16/1976 - email: centralyla1974@gmail.com
NO. Β 11022/1/2026-2028 CYLA/CIR/13 Dated Lawngtlai the 29th September, 2026
PRESS RELEASE
Zokhawthar Thlanmuala thlanlunga Mizo tawng nilo a thu inziak awmte chawlhkar khat chhunga Mizo tawnga ziak tha vek tura tihna Zokhawthar Branch YMA thuchhuah Social Media lamah kan lo hmu a, he mi chungchang hi Central Young Lai Association chuan a ngai thutak hle a, a chhan chu Zokhawthar thlanmuala Mizo tawng nilo anga tarlante hi 'Lai tawng' a nih vang a ni.
Mizoram ah hian hnam hrang hrang kan cheng a, Lusei, Lai, Mara, Hmar, Paihte, etc. Heng hnam hrang hrangte hian tawng hrang kan nei theuh a, amaherawhchu tawng thenkhat erawh hriatzui tur awm tawhloin a ral mek a ni. Zohnahthlak hnam hrang hrangte hian Mizoram hi kan ram ah kan chhal theuh a, lungrual takin kan khawsain kan awmho mek a ni.
Hetianga lungrual tak leh inngeih taka khawsakho hi Central Young Lai Association duhdan pawh a ni a, tin, kan unau leh thataka kan thawhpui Central YMA leh MTP, Gen. Hqrs. te duhdan pawh a ni. Zohnahthlak hnam peng hrang hrangte hi tun aia nasa zawka kan inpumkhat theih nana NGO leh pawl hrang hrangin hma kan lak mek laia impumkhatna tichhe thei zawnga hetianga hmalakna leh thuchhuah a awm hi Central YLA chuan pawi a ti takzet zet a, hetiang hmalakna leh thuchhuah hi sut leh turin kan ngenin kan beisei tlat a ni.
Tin, hetiang anga hmalakna a awm a nih chuan 'Mizo' tihin akhung leh 'zohnahthlak' tihin a khung zingah hian eng hnamte leh eng tawngte hi nge telh leh khung a nih tih hi kan zawhna a ni? India rama cheng, India khua leh tuite hian kan hnam tawnga tawng leh ziak theihna dikna chanvo hi kan nei theuh a, chuvang chuan innekchep zawnga hmalakna hi Central YLA chuan tha kan tiloin kan do tlat a ni.
(F.LALROTHANGA)
President Central Young Lai Association
(JH.LALRINDIKA)
General Secretary Central Young Lai Association
