Vawiin khan Pu Bryan Zorintluanga, Deputy Conservator of Forests, Chhimtuipui Wildlife Division chuan a Office CHamber ah Lawngtlai District MJA hruaitute thingpui a inpui.
Pu Bryan Zorintluanga chuan Lawngtlai District chuan Ramsa leh Sava, Nungcha humhalhna thatak tak pahnih Phawngpui National Park leh Ngengpui Wildlife Sunctuary a nei chu District tan a hluin a chhuanawm takzet tih sawiin, heng Nungcha humhalhna hmun a mi ni kherlo pawh, Ramsa, Sava leh Nungchate humhalh hi mitin mawhphurhna a nih thu leh tihlum leh tina zawnga chet a rem lova, dan in khauhtakin a humhalh a ni a ti a, Lawngtlai District mipui leh pawnlam atanga tlawhtute pawn Ramsa, Sava leh Nungchate chunga ngilneihna lantir thin turin a ngen.
Lawngtlai District MJA te hi an President Pu Elvis Lalthangzuala'n hovin, Nungcha humhalh kawngah Lawngtlai District in hma a sawn nasa viau tawha an hriat thute, inzirtirna uar zawka kalpui chhunzawm a pawimawh thute bakah a tiluite manchhuaha hrem kawngah tanlak deuh deuh tul an tih thu te DCF (WL) hi an hrilh.
Vawiina inkawmhona ah hian Nungcha humhalh kawngah Forest Department leh MJA Lawngtlai te nasa zawka thawhho tha an tih thu an sawi a, thawhho dantur engemawzat an sawiho bawk.