Vawiin hi Lawngtlai District a Tlawmngai Pawl lian ber Young Lai Association Day vawi 52 na a ni a, vantlang tan thiltha tih nan nen Member te infuihthar nan leh intihhlim nan hman a ni.
Central YLA chuan a hranin YLA Day hmandantur ruahmanna siam lovin Sub. Hqrs leh Branch ten tul leh tha an tih anga hman turin a dah a, Branch hrang hrang te awmnikhamin ruai nen a hun hmangte pawh awmin, Branch huamchhung thenfai hnatlangte kovin, Infiamna leh intihhlimna lam hawi ten hun hman a ni a, LADC Sorkara mipawimawh ten hun an hmanpui bakah Central YLA hruaitute pawh insemdarhin YLA Day hi hmun hrang hrangah an hmang.
Central YLA President Pu F.Lalrothanga chuan YLA Member te duhsakna chibaibukin, YLA chu tlawmngaipawl, ram leh khawtlangin a thlamuanpui, tanpui ngaite tanpuitu ani chu a hlutakzeta, vawnghima, nasa zawka YLA thiltum a hlawhtlin theihnan tanla turin YLA Member te a chah.
YLA Day ah Lawngtlai East MLA Dr.Lorrain Lalpekliana Chinzah, Lawngtlai West MLA Pu C.Ngunlianchunga bakah LADC a CEM Pu C.Lalsawmzuala , Lawngtlai DC Pu Donny Lalruatsanga, leh Lawngtlai SP Pu Dheeraj Dwarka Gaadhi ten YLA Day chibai bukin duhsakna an hlan.
Young Lai Association hi kum 1974 September 23 khan dintan niin, tun dinhmun ah Sub. Hqrs 10, Branch 123, Member 45,000 vel an awm mek.