The Food and Agriculture Organization (FAO) of the United Nations, chuanin International Year of Women Farmer 2026 den chhena 'FAO 100 Women Heroes in Agrifood Systems and Rural Development' an thlan chhuah zingah Pi ZT. Lalrithangi (Pi Mari-i), Strawberry hlawhtling taka chingtu, Sangau, Lawngtlai District, Mizoram chu telin, amah hi Mizo zingah chuan hetiang Award dawng hmasa ber tur a ni.
Pi ZT. Lalrithangi hian strawberry chin kawngah taima takin hma a la a, a inpekna te, a phurna te, thawhrimna te leh chhuan awmzel tur tana entawntlak taka a thawh avangin, FAO-in Agriculture leh Rural Development lama hmeichhe ropui leh thawh hlawk 100 an chawimawi tur zingah a tel thei ta a ni. Amah hi Horti Fair, Mizoram 2026-a Lawngtlai Best Farmer a ni bawk.
Pi ZT. Lalrithangi chuan The Lawngtlai Post zawhna chhangin, Award dawngtur a thlan a ni chu lawmawm a tih thu leh, hetiang chawimaiwna sang dawngtlaka ngaih zinga a tel chu Pathian awmpuina vang a nih thute, Horticulture Department in theihtawp chhuaha a hmalakna an tuipui vang a nih thu sawiin, a zinna atan tulpaiwmawhte a buaipui mek thu a sawi.
Pi ZT Lalrithangi hian Strawberry huan hi kum 2024 khan bultanin, kumin hian bul Singkhat vel a chinga, a tharchhuah atangin Cheng Nuai 6 atanga Nuai sawm bawr vel a lalut.
Strawberry te hi Wine,Juice leh a tihro angte pawn a hralhchhuak a, Juice bikhi KVK Lawngtlai te enpuina hnuaiah buaipui mek a ni.