The Food and Agriculture Organization (FAO) of the United Nations, chuan International Year of Women Farmer 2026 den chhena 'FAO 100 Women Heroes in Agrifood Systems and Rural Development' an thlan chhuah zing ami Pi ZT. Lalrithangi (Pi Mari-i) Sangau, Lawngtlai District, strawberry hlawhtling taka chingtu, chu Rome, Italy ah vawiin tlai khan Award hlan ani.
Pi Mari-i hi Mizo zingah hetiang Award dawng hmasa ber niin, Ram hrang hrang 131 atanga mi 600 chuang atanga thlan chhuah a ni.
India atangin mi pahnih thlan an ni a, World Food Forum event, FAO Headquarter, Rome, Italy-a October 12-16 chhunga neih mekah Award hi hlan a ni.
Pi Mari-i hian strawberry chin kawngah taima taka hma a lakna te, a inpekna, a phurna, a thawhrimna leh chhuan awmzel tur tana entawntlak taka a thawh avangin he chawimawina ropui tak hi a dawng a ni. Amah hi Horti Fair, Mizoram 2026-ah Best Farmer lawmman dawngtu a ni bawk.
Tags
News