Mizorama ADC pathum ten MDC leh MLA nihkawp theihlohna dan kan neilo, LADC Chairman in a ti.

Lai Autonomous District Council a Chairman, Pu C.Lalmuanthanga chuan tun dinhmunah Mizoram a Autonomous District Council pathumte chuan Member of  District Council (MDC) leh Member of  Legislative Assembly (MLA) nihkawp theihlohna dan an neilo a ti.

Vawiina The Lawngtlai Post in a kawmna ah Pu C.Lalmuanthanga chuan tunhnaia Supreme Court thuremna ah Member nihkawp theihlohna dan hi Lai Autonomous District Council ah hmanmek a nih thu leh Chakma leh Mara Autonomous District Council ah te an dan tidanglamin, Member nihkawp theihna an neih chu thlathum chhunga siamtha turin tihna a awm chu, Supreme Court a thuthlentu lam hian LADC ah Member nihkawp theihlohna hmangmek angin, dan hlui, hman tawhloh a behchhan ni a a rinthu a sawi.

Pu C.Lalmuanthanga chuan LADC, Constitutions, Conduct of  Business Rules 2002 ah chuan Member nihkawp theihlohna dan hi LADC pawn a nei tih sawiin, CCB Rules hi kum 2010 ah enthata, siamdanglam ngaite siam danglam niin, dan hmanmek lai ah chuan MLA leh MDC nihkawp theihlohna dan hi LADC in a neilo tih sawiin, LADC ang bawkin Chakma leh Mara Autonomous District Council te pawn Member nihkawp theihlohna dan hi an neilo a ti.