MJA hruaituten P&E hotute kawmin Kawlphetha mumal leh tha zawk a awmtheihdan tur an sawipui.

Vawiin khan Lawngtlai District MJA chuan an President Pu Elvis Lalthangzuala hovin Pu David Chakma, Executive Engineer, Lawngtlai Power Division hmuin, tunlaia Lawngtlai leh Siaha a Kawlphetha mumallo leh voltage hniam lutuk chungchang an sawipui.

Pu David Chakma chuan Lawngtlai leh Siaha chuan kan mamawh khawp Kawlphetha kan dawng tih sawiin, line thalo leh khawl thilah felhlel a awm changte, line siamngai a awm ten Kawlphetha chu a khaihlak thin a ti a, tun dinhmunah Voltage a hniamna chhan ber chu Lawngtlai District leh Siaha District (The Lawngtlai Post) ah Kawlphetha hmangtu an pung nasaa , Kawlphetha heh chi hmang an tam bawk vang ni a sawiin, he harsatna sukiang tur chuan 132 KV Sub Station, Chawnhu a mi chu a taka kalpui a ngai a ti a, tun dinhmun ah 132 KV Sub Station chu hna 95% vel thawhzawh tawh a ni a ti.

P&E hotute chuan tuna Kawlphetha lakluhna 33 KV Sub Station atanga semchhuah pawh hi, minawlpuiin kawlphetha kan hman nasat laiin,.Kawlphetha heh chi hman (The Lawngtlai Post)tamloh chu Voltage sang zawk neihtheihna kawng pakhat a ni tih an sawi a, mipui lam chu mahni mamawh bak Kawlphetha hmanglo turin an ngen.

Lawngtlai District MJA te chuan Lawngtlai leh Siaha District in Kawlphetha mumal leh tha zawka an neihtheih nan thuneituten tan la zual se an duh thu leh Chawnhu a 132 KV Sub Station peihfel thuai a nih theih nana Sorkar hmalak lawmawm an tih thu an sawi.