Lawngtlai West bialtu MLA Pu C.Ngunlianchunga'n tukin khan Lairam Christian Medical Centre bul a Waiting Shed (C.Ngunlianchunga Chawlhbuk) chu a hawng.
Pu C.Ngunlianchunga chuan MLA Local Area Development Fund behchhanin LCMC dawrtute tan Thutchawlhna leh remchang dang an sa thei chu lawmawm a tih thu a sawi a, LCMC a thawktute kaltlangin Pathianin mitamtak damna a pe tih sawiin, a bikin Chhimlam District tan a tangkaiin, pantu an thahnema, mipui lam tan hahchawlhna mumal a awmlo chu amah pawhin a vei hle tih sawin, a saknan MLA Fund cheng Nuai 10 a thawh piahlamah T.T.Construction chuan engemawzat senbelhin, a chung leh a hnuai chu tangkai taka hmantheih turin an satel tih sawiin lawmawm a tih thu a sawi.
Lawngtlai West bialtu MLA chuan LCMC chuan hma a sawnzela, tuna zirlai 30 awmna Lairam Nursing School kalpui tan a ni ta chu lawmawm a tih thu sawiin, he School tanpuinan kumtin Cheng Nuai 2, MLA a nih chhung chuan pek a tum tih sawiin, hetanga zirchhuak, Tualchhung leh ramchhunga hna hmu mailote pawh rampawn lamah hna an thawhtheih nan theihtawp chhuahpui a tum thu a sawi bawk.
Waiting Shed hawnna hi Dr.B.Zonunsanga Director, LCMC chuan kaihruaiin, Lairam Isua Krista Baptist Kohhran a General.Secretary Rev.Dr.LH Lalpekhlua'n tawngtaiin Pathian hnen ah a hlan.
Pu C.Ngunlianchunga hi LADC a Chairman Pu C.Lalmuanthanga bakah Executive Member Pu C.Hrangthianga leh mipawimawh dang ten an tawiawm.