Electoral Roll siamthar beihpui Special Intensive Revision of Electoral 2026 chu vawiin khan Lawngtlai District ah zawhfel niin, Assembly bial pathum ah Draft Electoral Roll aiin Final Electoral Roll ah Voters 16 in an pung.
Final Electoral Roll hi District Election Officer Pu Donny Lalruatsanga'n a tlangzarha, Bawrhsap chuan Electoral Roll rintlak leh tha neiturin Lawngtlai District chuan harsatna hrang hrang karah theihtawp an chhuah tih sawiin, inkalpawhna mumallote, inbiakpawhna thalo leh khua leh Veng a tam vangten thawktute pawh an hah hle a ti a, Electoral Roll thatak neih a nihtheih nan Tlamwngai pawl, Political Party te leh Chanchinbumite an thawhhlawk hle a ti a, Bawrhsap chuan Central YLA ten theihtawp an chhuah vangin Appreciation Certificate a hlan.
Lawngtlai District a Electoral Roll thar ah hian Assemblt bial pathum Tuichawng, Lawngtlai West leh Lawngtlai East ah Vote nei 90,715 an awm a, Draft Electoral Roll aiin Vote nei 16 in an tam.
Tuichanwg ah Voter 37,236 awmin Lawngtlai West ah Voter 28,373 an awma, Lawngtlai East ah Voter 25,106 an awm.
SIR 2026 a luhdil atangin Tuichawng ah mi 876 hnawl an ni a, Lawngtlai West ah 2186 hnawl niin, Lawngtlai East ah mi 771 hnawl an ni.
Electoral Roll thar ah hian Draft Roll aiin Tuichawng bial ah Voter 936 in an punga, Lawngtlai West ah Draft Roll aiin 940 in an tlem thunga, Lawngtlai East ah Voter 20 in an pung thung.
Final Electoral Roll tlangzarh takah sawitur neite tan September 15, 2026 thleng hun hawn a ni.
Tags
News