Lawngtlai khawpui pawhtu kawngpui pawimawh a ping nual, thenfai hna thawhmek ani.

Nikir khawchheng vangin Lawngtlai khawpui luhna chu hmun hrang hrangah a ping mek a, thenfai hna thawh mek a ni.

Lawngtlai District chhung, Sangau RD Block huamchhung, Cheural bul a kar hmasa Zirtawpni atanga leimin vanga kawngping chu thenfai zawh a la nilova, helai leimin hi Thawhtanni khan lirthei kaltlang theihin sialtlang nimahse, reilote ah a minbelh leh vangin lirthei engchimah kaltlang theih lohvin a la ping a, kawng enkawltu BRTF ten leimin thenfai hna hi an thawk mek a, kawng tlang huntur sawilawk hleihtheih a ni rihlo.

National Highway 502(A) Multi Modal kawngpui tia hriatlar chu Lawngtlai hnaih, Ruankhum bul, Chatuan leimin tia hriat ah a ping deuh reng bawka, helai hi vawiin chahwnu lam kha chuan lirthei kaltlang theiin sialtlang nimahse, ruah a sur zuizel chuan englaipawha ping leh thei dinhmun ah a ding tih PWD hotute chuan an sawi.

National Highway 02, Lawngtlai leh Lunglei inkar chu nimin atang khan Lunglei District Bualte daiah leiminin a hnawha, thenfai hna thawh chhunzawmzel a ni, helai ah hian khualzin tangkhan a bikin Lawngtlai leh Siaha lam tangkhang an thahnem tawh viau a, District Disaster Management Authority, Lawngtlai Chairman, Lawngtlai DC Pu Donny Lalruatsanga chuan tulpawimawha hman atan Bualte khawtlang hruaitute hnen ah Rs.20,000/- (Cheng sing hnih) vawiin khan a hlan.