Ruihhlo Do beihpui thlakna Operation Jericho kalpui chhunzawm a ni dawn

Vawiin khan Lawngtlai Bawrhsap Pu Donny Lalruatsanga kaihruaiin a Office Chamber-ah Ruihhlo do beihpui thlakna 'Operarion Jericho' kalpui mek thlirho a ni a. Pu PC Lalchunglura Superintendent of Police chuan a telpui. 

Pu Donny Lalruatsanga chuan  Sawrkarin Ruihhlo do beihpui thlakna 'Operarion Jericho' a ngai pawimawh hle tih sawiin, Lawngtlai District chhungah pawh chak taka kalpui mek a nih thu a sawi a. Lawngtlai District bikah nikum October  atanga kalpui tan a nih thu sawiin, a hlawhtlinna kawng hrang hranga hmuh niin, Ruihhlo lutchhuak a tlem hle a ni, a ti. Bawrhsap chuan he Operation - ah hian Police, Excise & Narcotic, Central YLA, YLA Sangau Sub Headquarters, YLA Bualpui Ng Sub Headquarters, Executive Magistrate, MHIP, LWA, MJA, Eastern Zone VC, 3rd IR leh 34 Assam Rifle te lungrual takin an thawkho a ti a, Pu Donny Lalruatsanga chuan 'Operarion Jericho' kalpui mek chu tihtawp theih a nih lo thu sawiin, district Administration chuan theih ang angin, chak taka kalpui chhunzawm a nih tur thu sawiin, VC,NGOs, Kohhran leh Lawngtlai District mipuite tha taka lo tawiawm zel turin a sawm. 

Pu PC Lalchunglura SP Lawngtlai chuan report tlangpui pe in, Operation Jericho - hnuaiah 'check gate'  siam a ngawrh taka  duty  a nih thu a sawi a.  Awareness Campaign chak taka kalpui niin, drug license holder- te pawh endik an nih thu a sawi a. Operation Jericho- hnuaia  duty - te mamawh lirthei, POL, Ei leh in tur bakah  thil dangte a theih ang anga pek a nih thu sawiin, thawhhona tha tak hnuaiah Ruihhlo do chu a hlawhtling tha hle ni a ahriat thu a sawi a. Ruihhlo do kawngah tha thlah theih a ni lo tiin, kalpui chhunzawm a tul thu a sawi.

Excise and Narcotics lam pawhin report pe in, Operation Jericho kalpui mekah case - 35 ziahluh tawh niin, mihring -33 man an ni tawh a. Zu bikah  102.400 litres man a ni tawh a, ND& PS hnuaiah tun thlengin  case ziahluh a awm   lo. 

Central YLA hruaitute chuan Central YLA hnuaia Drugs Reduction Squad (DRS) ten chak takin hma an lak chhunzawm tur thu an sawi a, Lawngtlai District chhunga Ruihhlo a rêm theihna tura theihtawp an chhuah zel tur thu sn sawi

Thutkhawm chuan 'Operation Jericho' vanga nasa taka Ruihhlo a tlem thu pawm tlangin, State sawrkarin kalpui chhunzawm lo pawh ni se Lawngtlai District bikah chuan thla thum chhung atan kalpui chhunzawm ni se an ti a. Operation Jericho Duty post- pawh hawn belh ni se tiin, mumal taka duty thin tura hmalak ni se tih a ni a. Lawngtlai Town chhung bikah chak zawka hmalak a nih theih nan Central YLA - te nen thawhho ni se, a tul dan ang angin Police leh Excise - ten pui thin ni se an ti bawk.