Vawiin khan Lawngtlai District Water & Sanitation Mission (DWSM) chu Pu Donny Lalruatsanga, Chairman, Bawrhsap nibawk hovin an thukhawm.
Pu Donny Lalruatsanga chuan Swachh Bharat Mission (Gramin) leh Jal Jeevan Mission- kaltlangin hmalakna tam tak awm mahse, a enkawl zui lamah theihtawp chhuah a tul thu a sawi a. Abik takin vantlang mipuite tana siam- Water Tanky, Solar pump, Community Sanitary Complex, Compost pit, Soak pit leh Plastic Collection Centre- te enkawl leh vawnfai kawngah mipuiten hmasawn a tul hle a ni, a ti. Bawrhsap chuan March ni 22, 2026 ah tha tak a ' World Water Day' hman a ni chu lawmawm a tih thu a sawi a. Tui hna siam turin ramngaw humhalh a pawimawh hle tiin, a humhalh kawngah theihtawp chhuah a tul hle a ti.
Er. Lalnunfela, EE, PHE leh Member Secretary - nibawk chuan DWSM hnuaia hmalak tawhna tlangpui sawiin, JJM hnuaiah ' Jal Arpan Diwas' chu Sihtlangpuiah neih niin, Functional Household Tap Connection ( FHTC) chu In - 167 ah dahfel tawh a ni, a ti a . Jal Arpan Diwas - hi Tuikhurlui khuaah neih nibawkin, heng khuaah te hian tui lakna hmanrua leh bungruate chu 'WATSAN Committee' hnenah hlan nghal an ni a ti.
Thutkhawmah hian DWSM hmalak dan tur sawiho nghal a ni a. Jal Mahotsav Pakhwada Programme (Kar hnih chhung awh Tui Kût) tha taka hman a ni chu lawmawm an ti tlang a. Tui hna tha zawk siam tura hmalak chu tha ti tlangin, PHED leh EF&CC Department - ten thawhhona tha zawk nei se an ti a. JJM tha taka kalpui a ni thei chu lawmawm tiin, JJM 2.O- ah thawm that ngai leh hmalak ngaihna awm ang angte uluk leh tha taka kalpui ni se an ti.