Vawiin Dt. 10 April 2025 khan LADC Officers' Association ten General Body meeting cum General Election an nei.
LADC Hall a GB meeting neihna hun kaihhruaiin Pu B. Lalhnuna, President LADCOA chuan members te ram leh hnam leh LADC Office zahawmna leh hmasawnna tan officers te a sawm a. Thahnemngai takin ngaihtuahna leh finna seng turin a fuih ani. Pu LZ Tluanga, Secy to GAD, LADC in hunserh hmangin Pathian hnena GB meeting a hlan.
First Session a Pu C. Zirnghinga chuan members chatuan ram pansan ta Tv Collina Ngurnunchhunga, Computer Programmer Dt. 26 Feb 2026 a boral sunna hun neiin a tawngtai.
Dr. Lalnunpuia, Secretary , Pi Catherine VL.Sawmliani, Treasurer leh Pu Teii Finance Secy hnen atangin LADCOA Reports ngaihthlak ani.
LADCOA Members thar atan Officers panga te chu President Pu B. Lalhnuna kaihhruaina hnuaia Induction hun hman ani
Rorelna hun hman chhunzawm nghal niin, A hnuai ami te hi an rorel te a ni .
LADCOA chuan an pawl kaihruaina Constitution By Laws Bung 5(4) chu siamtha in Treasurer sumfai kuta kawl thei chin 10,000/- ni thin chu Rs. 50,000/- a tihsan nise tih chu lungrual takin pawm ani a,
LADC chuan Need based (mamawh leh tul chin ah) chauhin Muster Roll chhawr turin hotute hnenah thlen ni rawhse tih chu lungrual takin pawm ani.
LADC Employee te chuan MUHCS inziaklut turin hotute hnenah thlen ni rawhse, ti chu engemaw thil zirchian a tul dawn niin hriat avangin tun dinhmun atan chuan hmalak lo mai nise tha tih tlan ani
First Session a Devotion, sunna, report, rorelna, Members induction hun hman ani.
Second Session na ah MJA Lawngtlai District te kaihhruaina hnuaiah inthlanna General Election neih ani a, heng a hnuai ami te hi Kum 2026 - 2028 chhunga LADCOA hruaitu thar atan thlan tlin anni:-
President: Pu C. Lalmuanvela
Vice President: T. Hmangaih Johana
Secretary: Albert Lalrinzuala
Asst. Secretary: Dr. Lalnunpuia Chinzah
Fin. Secretary: Catherin VL Sawmliani
Treasurer: C. Lalhuapliani