Health Minister leh Adviser to CM (Health) ten MUHCS vangin lawmthu an sawi.

Health Minister Pi Lalrinpuii leh Adviser to Chief Minister (Health) Dr.Lorrain Lalpekliana Chinzah ten Mizoram Universal Health Care Scheme ah MJA Lawngtlai District ten an Member te an ziahluh vangin lawmawm an tih thu an sawi.

Heng mipawimawh pahnihte hian an Social Media Account ah lawmthu an sawina hi tarlangin, Health Minister chuan, Lawngtlai District MJA te chuan an Welfare sum aṭangin MUHCS 2.0 ah an inziak lút vek tih ka lo hria a, lawmawm ka ti hle mai. tiin a tarlang a...

Adviser to Chief Minister (Health) Dr.Lorrain Lalpekliana Chinzah chuan  Mizoram Journalists’ Association (MJA) Lawngtlai District te'n, Mizoram Universal Health Care Scheme (MUHCS) ṭhat zia leh ṭangkai zia hria a, an member zawng zawngte MUHCS a an ziak lut kim vek hi lâwmawm ka ti a. Hetianga MJA Lawngtlai District te'n nachang an hria hi ṭha ka tiin, an entawn tlak ka ti hle a ni. MUCHS 2.0 inziahluhna hun tlem la awmah hian, a tam thei ang ber inziak lut zel ang u tiin a tarlang.

Tarlan tawh angin  MJA Lawngtlai District te hian an Welfare sum hmangin an Member te chu MUHCS ah nimin khan an ziaklut vek a, he hun hi LADC a I&PR changtu Executive Member Pu Lalropuia Chinzah hovin an hmang.