Lawngtlai District MJA chuan an Member te Mizoram Universal Health Care Scheme hnuai ah an ziaklut vek.
MJA Lawngtlai District ten an Member te MUHCS a a ruala ziahluhna hun hi vawiin khan Lai Autonomous District a I&PR enkawltu Executive Member Pu Lalropuia Chinzah hovin a pisa ah neih niin ,Pu Lalropuia Chinzah chuan MJA Lawngtlai District ten an Member te hmakhua ngaia, MUHCS a an ziaklut chu lawmawm a tih thu sawiin, Chanchinbumi ten he Scheme hi a thain a rintlak tih an hriatchian zia a tilang a ti a, LADC hnuaia thawkte pawh a tam thei ang ber MUHCS ah inziaklut turin a sawm.
Executive Member chuan Lawngtlai District MJA te chuan awmzeneia an hna an thawh piahlamah an Member te kawng hrang hranga an ngaihsak thinna chu hlu a tih thu sawiin, hma an lak thinna chu zahawm a tih thu a sawi.
District MJA President Pu Elvis Lalthangzuala chuan an Member te MUHCS a an ziahluhna chhan chu damloh nikhuaah Chanchinbumi, khawsak harsa te te an nih hlawm vangin State Sorkar in Scheme thatak a nei chu an ngaihhlut vang niin a sawi.
Lawngtlai District MJA te chuan an Member te chu MUHCS ah an inziahluh nan Rs. 2500/- a tumsak a, hei aia sang zawka inziaklut duhte chuan MJA in a tumsak bak hi an thawhbelh a remti a, Health Care Scheme a an Member te an ziahluh chhung chuan District MJA in an Member damlote an kanna leh chhawmdawlna chu kalpui a ni lovang.