Lai Autonomous District Council a Chief Executive Member, Pu C.Lalsawmzuala chuan LADC Budget chu a theih chin chinah ram mipuiten an chhawr theih turin ruahmanna siam a ni a ti.
CEM hian vawiin khan a Pisa ah Lawngtlaia Thuthar thehdarhtute kawmin, Chanchinbumite zawhna chhangin LADC sum indaihlohna tihziaawm a nihtheih nan hnathar siambelh tum a nilo a ti.
Budget Session neih zawh takah Member ten LADC Budget thar lungrual taka an pawm chu lawmawm a tihthu sawiin, Budget pumpui atangin mipui tana tangkaitur thawh nan Cheng Nuai 827.35 lai dah a ni a ti.
Pu C.Lalsawmzuala chuan LADC hnuaia thawk, Pension a chhuak te chuan an pawisa hmuhturah harsatna an tawk mek tih sawiin, heihi kum engemawzat kalta atanga awm tawh a nih thu a sawi a, mamawh zualpui phuhruk nan Cheng Nuai 300 dah a ni a ti a, heibak ah hian Kuthnathawktute hamthatna turte, Inkalpawhna kawng leh Zirna lam kaihhnawihah te, Khuarel chhiatna thleng palh thei laka invenan leh chhawmdawl nan te, Tourism lam tihchangtlun nan te, Tar leh Upa te hamthatna tur leh Hmeithai leh mi harsa zawkte dawmkan nan te rualbanlo leh Tlawmngai pawl te chhawmdawl nan te, Chanchinbumite hamthatna tur atante pawisa engemawzat dah a nih thu a sawi.
LADC Budget Session hi April 2, 2026 khan zawhfel niin, Chhiah tling khawm atanga hmuhtura beisei Cheng Nuai 510 telin Budget hi a vaiin Cheng Nuai 28,028.63 niin, kum kalta aiin Nuai 1584.56 in a tam.
Tags
News