.jpg)
Nimin a DC hova Lawngtlai District chhunga Kangmei ven kawnga hmalakna thlirhona ah, tul lova ram tihkan a awmloh thu sawilan a ni a, a lawmawmin, heihian Kangmei ven kawnga District chhunga chengte tanrualna atilang fiah viauin a hriat.
Lohtheihlohna vangin chhungkaw engemawzat ten lovatin an hallo thei lova, kumdangah tullova ramkang hriattur a awm thin a, chu chuan District hmel a tibalin, ram a tichhiain, Thing phunbelh lamah tan lak nasat viau ni mahse, kangmeiin a tihchhiat phuhruktur khawpa hmalak erawh thil harsa tak a ni.
Tullova ram tihkan lamah dinhmun chhuanawmtak Lawngtlai District in a neihmek lai hian, tunang hun hi In lam ah kangmei chhuak palh thei laka inven nasat hunlai a ni tih hretlang ila, helam hawia hmalakna leh fimkhur a tulna ah te chhungtinten tha thar thawh ila a duhawm ang.
Tullova Ram kang neihloh ringawt hian kan Ramngaw chereu mek a siamtha zolo tih a chianga, reiloteah Thing phunhun a thleng chho leh dawn, awmzeneia khawpui leh a chhehvel te cheia, thuamtha turin uar zawka Thing phun lamah pawh tanlak a tul a, heihi Kangmei chhuak ven nen inzawm tlat a ni tih kan pawm a tula, hmalakna hi a phamanchhova kalpui a nih chuan Lawngtlai District hi a hring thar leh anga, District nuam, Environment thlakhlelh tlak ah kum tam a liam hmain kan siam theiin a rinawm.