Sarep thahnem tak leh Thang hal a ni.

 Vawin khan Chhimtuipui Wildlife Division chuan Sava tihhlumna hmanrua chi hrang hrang leh sarep an man thahnem tak an halral.

Chhimtuipui Wildlife Division ten vawina Sava tihhlumna hmanrua leh Sarep an halralte hi Kum kalta 2025 November atanga kumin 2026 February inkara an man khawm te ani a. An halral hi Thirthang 6, Sairawkherh 22, Lenkhang 2, Vahui len 9, Tukrek 56, Sathang 15, Sava 24 leh thehlei 4, Sanghal sarep 16, Sava rep 14, thehlei rep 5 leh Lensuah 2 ani a, hengte hi Chief Judicial Magistrate, Lawngtlai remtihna a halral ani.

Halralna hun hmanna ah hian Pu Mercellas Hunlawmawma, DCF, Chhimtuipui Wildlife division chuan Ngengpui Sanctuary chhung leh a chhehvel ramhnuaiah Sava leh ramsa tihhlum ching an la awm chu pawi a tih thu sawiin, Sava leh Ramsa te hi humhalh tlat anih thu leh,Sava leh ransa tihhlum luite chu Wildlife Protection Act 1972 hmanga pawisa chawi tir leh Jail tan theihna anih thu a sawi a. Tun dinhmunah mi pahnih Sava leh thehlei kaphlumtute chu District Jailah dah mek an nih thu a sawilang bawk.

Vawina Chhimtuipui Wildlife Division ten Sava tihhlumna hmanrua leh Sarep an halralna hun hi Pu J.Lalrinawma, Honorary Wildlife Warden bakah MJA lawngtlai Member leh Lawngtlai College Veng YLA hruaite an telpui ani.