Vawiin khan Lawngtlai Bawrhsap Pu Donny Lalruatsanga chuan Food, Civil Supply & Consumers Affairs Department Go-Down, AOC veng Lawngtlai a mi tlawhin, an dinhmun a en.
Bawrhsap hi Supply Go-Down a thawktuten lo dawngsawngin, Buhfai lakluh leh pekchhuah reng reng chi Digital Weighing Scale hmanga buk vek a nih vangin, Buk diklo a Buhfai lakluh leh pekchhuah a awmlo tih an sawi a, bukna dik hman chu Retailer te pawn tha an tiin Buk diktaka Buhfai an lachhuak chu an lawm viau thin tih thawktute chuan an sawi.
Bawrhsap chu Supply Go-Down lama thuneitute chuan Lawngtlai District a bikin Fur ruahtui tlakllaia kalpawh harsatna Centre 6, Diltlang South, Bungtlang South, Tuithumhnar, Vathuampui, Vaseikai leh Dapdep Centre ah te Fur chhunga an eitur Buhfai chhekkhawl hna thawhmek a nih thu an hrilh a, kumdanga an lo tih thin angin kumin ah pawh Thal laiin heng Centre parukah te hian Fur ruahtui tlaklaia Buhfai a harsatna a awmloh nan Buhfai chhekkhawl hman vek an tum thu an sawi.
Bawrhsap Pu Donny Lalruatsanga chuan mipuiin an chanvo diktak an hmuh theih nan Buk diktaka Buhfai pekchhuah chu thawktuten an tihmakmawh a ni tih sawiin, helam hawia Lawngtlai Go-Down ah kalpui a ni chu lawmawm a tihthu sawiin, engtikhawng mahin Mipui chanai chu lakhek emaw tihchingpen a remlo tih hrereng chunga an hna thawk turin a chah.
Bawrhsap hi Pu Lalrindika SDC Lawngtlai leh Chanchinthar thehdarhtu thenkhat ten an tawiawm.