.jpg)
Inthlan zawh ah Sorkar piangtur dingdihlipin mipuiin an thlir a, Sorkar thar a pian rualin, Sorkar chu a nghet angem ? tih chu zawhna liantak awmzui a ni fo thin.
Tunah pawh ULP (MNF + INC) ten Sorkar an siama, hmalakna pawh duhawm tak tak a awmchho tan a, tanbik neilemlo, ram hmasawn duhtute mit atang chuan thlir pawh a nuam tan viauin a hriat a, hetihmek lai hian Social Media lam ah Executive Member pakhat chuan a chanvo chu midang semthen a hrehloh thu CEM hnen ah a thlen thu hriat a ni a, he Executive Member hian thinlung takin ram a hmangaih tih a lanfiah rualin, Sorkar ah khichat inzawmfuh hleitheilo a awm ni a ngaihtheih a nizui a, Sorkar dinglai hi a nghet chiah em aw, tih chu zawhna liantak a ni mek.
Mipui lam chuan an tihtur an tizo vek tawh, Inthlanna ah Vote hmangin an aiawhtur an thlangfel tawh a, Sorkar ngheh leh nghehloh chu MDC te chungah, Rorellai MDC te chungah a innghat a, an chungah Ram leh hnam mualpho leh hmingthat a innghat tawh.
Annin ram hmangaihna leh hmingthatna ngaihthaha, kawngdang en a sorkar a nghing a nih chuan, thenawmte nuih leh enhniam kan hlawh chhunzawmzel anga, rinawmloh leh duhamna te, hming mawilohna tamtak chu Hnam nen sawizawm a ni zel ang,
He Ram hian mipui tha a mamawha, chutiang chiah chuan mipuiin Hruaitu tha an mamawh bawk.