Sangha Dil neite tan Insuarance Scheme chungchang zirhona buatsaih ani.

Vawiin khan District Fisheries Development Office, Lawngtlai ah Sangha khawitute tana hamthatna, Pradhan Mantri Matsya Samridhi Sah Yojana hnuaia Aquaculture Insuarance,  chungchang, zirhona neih niin, he Scheme a mithiam ten Biakhmuhtheihna hmangin Lawngtlai District a Sangha Dil neite Scheme chungchang an hrilhfiah.

Sangha Dil neiten kawng hrang hranga harsatna leh chhiatna an tawh palh thulha zangnadawmna an hmuhtheih nan Insuarance mumal taka an tih a ngaihthu uar taka sawi niin, Sangha Dil neite chuan Khuarel chhiatna hrang hrang an tawk nasa thin a, heng bakah hian  Sangha te pawh Hri leh thildang vangin an chan fo thin a, heng ang a lo thlen palh pawh a, Sangha khawituten an tawngpawng tawrh ngawt loh nan Insuarance Scheme thatak Aquaculture Insuarance chu Pradhan Mantri Matsya Samridhi Sah Yojana  hnuai ah kalpui niin, hetah hian Lawngtlai District a Sangha Dil neite chu inziaklut vek tura beisei  an nih thu sawilan a ni.

Hriattheih chin ah Fisheries Development Department Lawngtlai District in a chhinchhiah danin, tun dinhmun ah District chhung ah Sangha Dil Hactare 669 awmin, Kum 2020 atanga 2025 inkar ah Sorkar in Sangha dil tanpuina a pek tawh chu mi 860 vel an ni.

Sangha dil neitute chuan Sorkar in Insuarance Scheme thatak mai a duang chhuak chu lawmawm an tih thu an sawi a, he hun ah Sangha Dil nei mi 70 vel an tel.