Vawiin khan KVK Lawngtlai Training Hall, Chawnhu ah Scientific Advisory Committee chu Pu Lalengliana Joint Director, Department of Agriculture & Farmers Welfare kaihhruaina hnuai ah neih a ni.
Joint Director chuan Agriculture leh a kaihhnawih hmakakna, Lawngtlai District a kalpui a nih thindan chu chhuanawm a tih thu sawiin, Line Department te thawhrimna leh thawhhona chu hmalakna hlawhtlinna bul a ni tih sawiin, Kuthnathawktuten Sorkar hmalakna an tawiawm tha leh an kaihhruaina hnuaia phur leh rimtaka an thawk chu lawmawm a tih thu a sawi.
Dr.C. Lalfakawma Senior Scientist & Head, KVK, Lawngtlai chuan an hmalakna hrang hrang sawiin, a kaihhnawih Department dang nen tanghova hma an lak nasat thu leh hlawhtlinna hmel an hmuhphah thin thu a sawi a, Social Media leh Media dang tangkai taka an hman thin thu a sawilang bawk.
Scientific Advisory Committee ah hian KVK, Lawngtlai a Subject Matter Specialist ten kum 2025 a hmakakna kalpuidan leh Kum 2026 a hmalakna tur ruahmanna an neih te an sawi a, vawiin Meeting hian Action Plan 2026 chu an pawm.
He Meeting a tel Kuthnathawktu aiawhte chuan Buh leh thlai chin, Ran vulh leh Chuktuah huan siam, Eitur sawngbawl leh kawng hrang hrang, KVK Lawngtlai hmalakna chu kuthnathawktuten an tangkaipui hle niin an sawi.
Scientific Advisory Committee ah hian Pu Lalengliana, Joint Director hi Pu Martin Zohmingliana Deputy Director Agriculture & Farmers Welfare in tawiawmin, Meeting ah hian Agriculture, Horticulture, AH & Vety, ATMA, Kuthnathawktu leh Doordarshan aiawh te an tel