SORKAR THAR HI FIMKHUR HLE RAWH SE.

Anawlpui ten an beisei aia tlai daih ah LADC ah Sorkar thar a piang chho tan a, CEM pawh nimin maiah lakluh a ni. Sorkar thar hi tumdang Sorkar aiin a fimkhur a ngaihna lai a awmthei nual awm e.

Party mal Sorkar a nilova, Party pahnih inkawp hi an inkawprem reilo a nih pawn, tlawmngaih chhuaha an inkawp rem luih hram hram a tul, Sorkar nghet adin a pawimawh, chu chuan pawnlam leh a chhung amite ngei ah pawh LADC hmuhhniamna awm chho mek hi a hrureh theiin a rinawm.

Helaia Party inepna leh thuneihna inchuhna vanga Sorkar inthlak sek thin hian, hmuhphak leh pawnlama lang lemlo hian Council dinhmun hi a hnukhniam zel tih hi Politician ten an pawmngam a hun tawh a, heihi an mahni khalhngiltu atan an hman duh loh chuan, LADC hian a hlutna hi a paih then chhozel in a rinawm.

CEM thar chuan langtlang Sorkar din an tum thu a sawi a nihkha, kha athusawi ang kha hruaitu dang pawn an lo sawifo tawh thin, tawngka chauhva ram hruaina atana thatur a ngaih sawi hian awmzia a neilo tih hrechiangtute chu a sawitute tho hi an ni a, tuntuma CEM lakah hian ram mipuiten beiseina meisi thi lek lek tawh chhemnung turin rinna liantak an nghat ngei ngei dawn, heivang hian a thawhpui ULP Member ten hmathlir thuitak neia Sorkar an hruai hi a tul a, a tul tihngawt piah ah, ram hian a mamawh.

LADC hi ram mipui Inpui a ni a, Inpui nghaktuten an zir phawt chuan a chhunga chengten nuam an ti ngei ngei dawn, Sorkar thar hian enge a thlen theih tih chu mipui thlir rawn a ni dawn a, Ram leh Hnam tan Sorkar thar hi fimkhur hle rawh se.