Vawiin khan Lai Autonomous District Council Sorkar thara Chief Executive Member niturin Lawngtlai Bawrhsap Pu Donny Lalruatsanga chuan Lawngtlai Chandmary bialtu MDC, MNF Member Pu C.Lalsawmzuala chu LADC Hall ah rinawmna tiamtirin Chief Executive Member atan a lalut.
Tarlan tawh thin angin nikum December 3 a LADC inthlanpui neihah Party mala Sorkarna siamthei an awmloh hnu ah MNF leh Congress chuan United Legislature Party dinin Sorkarna an siam theih thu Governor hnena an thlen hnu ah CEM atan Pu C.Lalsawmzuala hi ruat niin, vawiin khan lakluh a ni.
CEM thar Pu C.Lalsawmzuala chuan LADC ah MNF leh Congress inkawp Sorkarna a pian theih nan a Governor in a duhsakna leh thurawn a pek na ah te, Chief Minister in phurtaka hma a lakna ah te lawmthu sawiin, Lairam mipuite chibai a buk a, ULP Sorkar chu mipui Sorkar, langtlang taka hnathawh tum an nih thute, eirukna leh hlemhletna in hmun a chan a remloh tur thute a sawi a, Lairam chu Lalpan mal a sawm tlaka hruai an tum tih sawiin, finchhuah an ngaihna ah finchhuah thin turin helama a ngaihna hriate a sawm.
Chief Executive Member hian Dy CEM atan Pu Sanghuliana Mualchin bakah Executive Member atan Lalzahawma Chinzah, Pu HC Lalengkima leh Pu H,Vanlaltanpuia te an nih tur thu puangin, Sorkar fuke kim nan chanvo neitur dang chu remchang dangah la siamfel a nih tur thu a sawi.
CEM thar hian vawiin khan a Office a luah nghal a, LADC Sorkar thar piang chhomek ah, naktuk khian Protem Chairman kaihhruaina hnuai ah Chairman thlan a ni dawn a, vawiin khan chuh turin ULP atangin Congress Member, South Lungpher bialtu Pu C.Lalmuanthangan a hming a pelut
Tags
News