Lawngtlai District ah Krismas leh Kumthar boruak nuamtak hnuaiah hman zawh a ni thawkhat tawh a, Kohhran thenkhat vawiin lama ruai nen Kumthar lawm chhunzawm an la awm.
Dan pangngai angin Sorkar Office te hawntan ni mahse, office dawrtu an la awm mumallo.
Lawngtlai Bawrhsap Pu Donny Lalruatsanga chuan MJA Lawngtlai District hruaitute vawiin khan Kumthar thingpui inpuiin, Lawngtlai District mipuite Kumthar chibai bukin duhsakna a hlan a, Bawrhsap chuan hunpui laiin boruak duhawmlo liantham a awmlo te, khawlai boruak a muanawmin, hun thawl leh nuamtak hnuaiah hunpui hman a ni chu Police te thawhrimnate, Branch YLA te inpekna vang a ni tih sawiin, mipuiin dan leh thupek an zawmthat vang a ni a ti a, lawmawm a tih thu a sawi.
Bawrhsap tawiawmtu Lawngtlai SP, Pu PC.Lalchunglura chuan Krismas leh Kumthar vuakvetah Lawngtlai Police Station ah thubuai pali ziahluh a nihthu sawiin, thubuai ziahluhte chu khawpui pawn a mi vek a nih thu a sawi.