Nimin khan Lawngtlai Bawrhsap Pu Donny Lalruatsanga leh Lawngtlai SP, Pu PC Lalchunglura leh MJA Lawngtlai District hruaituten Operation Jericho Check Post an tlawh.
Operation Jericho Check Post, KMMTTP Road Lawngtlai By pass Road Junction ah hian Excise and Narcotic Officer-in-Charge Pu Lalrengpuia hovin Excise leh Police te an lo duty a, Bawrhsap leh SP chuan rimtaka ruihhlo dova theihtawp chhuahtute,.Excise, Police leh Tlawmngaipawlte fakawm an tih thu an sawi a, theihtawp an chhuah vangin ruihhlo a vangin, khawpui boruak pawh a nawmphah hle an ti a, Operation Jericho chu State Sorkar in kumin March thla thleng a pawhsei vangin ngawrh zawka duty chhunzawmzel turin an chah.
Lawngtlai District MJA hruaitute chuan Tlawmngai pawl ten theihtawp chhuaha Sorkar hmalakna an tawiawm thin chu Lawngtlai District tan a thlamuanthlak hle tih an sawi a, Sorkar leh Tlawmngaipawl ten kawng hrang hranga thawhhona thatak an neih chu chhuanawm an tih thu an sawi.