Boruak nuamtak hnuaiah Lawngtlai District mipui ten kumhlui thlahin Kumthar an lawm.

Boruak nuamtak hnuaiah Lawngtlai District mipui ten kumhlui thlahin Kumthar an lawma, nizan khan mipui lam tan kumthar hmuahna tinuam tawk velin Lawngtlai khawpui ah darkar chanve vel boruak a thlawk chi halmawi hmuhtur a awm.

Vawiin khan Kohhran hrang hrang ten Biak In ah kumthar thuchah ngaithlain, kumthar duhsakna an inhlan tawn a, tlailamah kumthar lawmna ruai an kil nghal.

Lawngtlai Bawrhsap Pu  Donny Lalruatsanga, Lawngtlai East MLA, Dr.Lorrain Lalpekliana Chinzah, Lawngtlai West MLA, Pu C.Ngunlinchunga ten Lawngtlai District mipuite Kumthar chibai bukin duhsakna an hlan.

Lawngtlai Bawrhsap chuan boruak muanawm leh nuamtak hnuaiah kumthar lawm a ni chu Police, Excise leh YLA te thawhrimna vangte, Kohhran hrang hrang tawngtaina vang a nih thu sawiin lawmthu a sawi.