Lai Autonomous District Council ah Sorkarna a pian maitheih loh vangin, naktuk Thawhtanni zing dar 5 atangin Central Young Lai Association chuan Lawngtlai District ah Total Bandh neih an tum.
LADC ah Sorkarna siamthei an awm reng laia Sorkar a piang maitheilo chu hriatthiam har an tih thu Central YLA chuan sawiin, January 22, Ningani khan Central Executive Committee thukhawmin, January 24 tlai dar 4 thleng Sorkar a pian leh pianloh an ngaihchan tur thu leh, an beisei anga Sorkar a piang lo a nih chuan nazawka thuneitute nawr tha an ti a...
January 24 nimin Inrinni ah pawh thulawmawm lam hriattur a awmloh hnu ah nizan khan Central YLA Executive Committee chuan Emergency Meeting neiin, Thawhtanni zing dar 5 atangin tiamchin awmlovin Lawngtlai District ah Total Bandh neih nise tiin an rel.
Central YLA ten Governor hnen a an thlen ah LADC ah Sorkar a piang mailo chu Democracy hlutna tihniamtu a an ngaih thute, ram mipuiten Sorkar a pianloh vanga an tawrh nasat tawh thute, mipui mimir ah Democracy ropui tak chu hmuh hniamna a awm chhoh palh an hlauh thute tarlan tel a ni.
Naktuk hi Republic Day a ni a, ruahmanlawk ang chuan zing dar 8:30 ah Central YLA Playground ah Lawngtlai Bawrhsap in Hanm puanzar pawtpharhin he Ni hi hman a ni dawn a, hetia Central YLA in Total Bandh neih an tum takah chuan chanchin lakkhawmlai hian Republic Day hi engtia hmantur nge tih a la hriattheih loh.
Tags
News