Central Young Lai Association chuan Lai Autonomous District Council ah a nihdan tur anga Sorkar a pian thuai an phut thu Governor hnen ah vawiin khan an thlen a, January 24, 2026 tlai dar 4 thleng an ngaihchan tur thu Governor an hrilh.
Nimin khan Central YLA Executive Committee chu President Pu F.Lalrothanga kaihhruaiin an thukhawm a, LADC ah Sorkarna a pian mailoh chungchang an ngaihtuah.
Central YLA thuneitu sang thukhawm chuan December 9, 2025 a LADC Inthlanpui Result hriat a nih hnu ah, Party mala Sorkarna siamthei awmlo mahse, Sorkarna siamthei tura thawhdunna neite pawh Sorkarna siamtir an nilo chu hriatthiam har an tih thu an sawi.
Central YLA chuan Governor hnenah, LADC awmdan chu Democracy hlutna tihniamtu ni a an ngaihthu te, Hmasawnna a kaltheihloh thute, Mipui mimirin Democracy ropuina an hmuhdan a hniam phah mek thu te leh rinna an nghah ngamloh phah a hlauhthawnawm thu te thlenin, LADC ah Sorkarna mumaltak din a nihtheih nan hmala turin Governor chu an ngen.
An ngenna chu January 24, 2026 tlai dar 4 thleng an ngaihchan tur thu leh, an beisei anga hmalakna a awmloh chuan Republic Day boycott hial pawh a tul mai theih thu Governor hi an hrilh bawk.