Vawiin khan Young Lai Association, Bualpui (Ng)-II Branch chuan, Community Hall, Bualpui (Ng)-II ah an Branch leh vengchhung a Zirlai HSLC & HSSLC Exam 2025 a hlawhtlinna chang mi - 21 te bakah Bualpui (Ng) khua leh Lairam leh Hnam ti hmingthatu Tv. B. Lalthawmriliana s/o. B. Lalthangliana, Senior Scienctific Officer leh Dr. Lalzalena s/o. K. Lalremruata Doctor of Pharmacy (Pharm D) te hnenah Lawmpuina leh Chawimawina hlanna hun an hmang a.
He hun hi Pu. Lalzidinga Chinzah President, YLA Bualpui (Ng)-II Branch in kaihhruaiin, Pastor LS. Lalhmingmuana UPC (NEI) Bualpui (Ng) Bialtu chuan hunserh hmangin, Zirlai Hlawhtlinna chang te Pathian hnenah hlanna leh malsawmna a neih sak a. Pu. K. Lalremruata Senior Adviser, YLA Bualpui (Ng)-II Branch leh Pi. Lalrammuani President, LWA Bualpui (Ng) Branch - II ten fuihna thusawiin Lawmpuina hlanna hun hi hman a ni.
Tags
News