Vawiin khan Lai Women Association General Hqrs.Lawngtlai leh Young Lai Association, Bualpui (Ng)-II Branch ten Zirlai titha leh zirna a hlawhtlingte an chawimawi.
Lai Women Association General Hqrs. Lawngtlai chuan an hmeichhepui, Zirna a hlawhtling te an lo chawimawi thin angin, Dr.K.Zirsangzeli PhD in Civil Engineering (Geo Techical), Pu K.Lalchhuanthanga, Thingkah fanu chawimawina hun, LWA Office, Electric Veng Lawngtlai ah hmangin, LWA hruaitute chuan Zirna lamah Hmeichhia ten hlawhtlinna duhawm tak an nei thin chu lawmawm an tih thu an sawi a, Zirna hautak zet mai Engineering lam ah Dr.K.Zirsangzeli'n hlawhtlinna a chang chu chhuanawm an tiin, Hmeichhiate tan chona hungchhuaktu a an ngaih thu an sawi.
Dr.K.Zirsangzeli hi Mizoram University ah Professor niin, ama pualin Construction Firm neiin Aizawl ah a inbuna, Lawngtlai District a Laifa zingah Civil Engineering lam ah PhD hmasaber ni a hriat a ni.
Dr.K.Zirsangzeli chuan hlawhtlinna a chan ah LWA ten thinlung taka an lawmpui chu lawmawm a tih thu sawiin, a hna chu Leilung him leh himloh te, Building sak nan hmun him leh himlo te enfiah te, leimin duhna leh hmun himlai finfiahte a nih thu sawiin, Biak In, Hall leh In leh hetiang lamchi saturte tan LWA leh Lawngtlai District ah amah mamawhtute tan a inhawn reng thu a sawi.
Tags
News