Lai Autonmomous District Council inthlanpui, tunthla Ni 3 a neih chu Sorkar din turin ruahmanna kalpui mek niin, vawiin khan Protem Chairman leh Member of District Council atan thlante rinawmna thu tiamtir an ni.
Mizoram Governor in LADC ah Sorkar dintura hmalakna a kalpui mek ah Protem Chairman atan a ruat, Lawngtlai Council Veng bial atanga MDC atan thlantlin Pu Lallura Chinzah chu vawiin khan LADC Hall, Lawngtlai ah, Lawngtlai Bawrhsap Pu Donny Lalruatsanga chuan rinawmna thu tiamtirin a lalut
Hemi hnu hian Protem Chairman Pu Lallura Chinzah chuan LADC Term 12 na a MDC atan thlan tharte chu rinawmna thu a tiamtir nghal a, Bial Number khatna Sangau East atanga thlantlin in hma hruaiin, Bial Number 25 nan Vathuampui bial atanga thlantlin in hnu a khar.
Chanchin buatsaihlai thleng hian LADC ah Sorkar siamtuma hmala mek, ZPM leh MNF inkawp Member 14 awmna Lairam Legislature Party hruaitu, ZPM Member Pu T.Zakunga'n Mizoram Governor hnen ah Sorkar an siamtheih thu leh thlawptu a ngah tawk thu a thlen chu chhanna hriat a la nilova, tun dinhmun ah chuan sawilawk theih nilo mahse, Krismas hmain LADC ah Chief Executive Member a fel hman dawn leh dawnloh hriat a nilo.
Tags
News