Naktuk a Lai Autonomous District Council Inthlanpui neihturah ruahmanna peihfel a ni tawh a, vawiin khan Lawngtlai khawpui leh a chhehvel a Inthlanna buaipuitu tur Polling Party ten an duty na tur hmun an pan.
Polling Station 111 awmna LADC ah hmun hla zawka Duty tur Polling Party 59 te chuan nimin khan an duty na tur hmun an pan tawh a, vawiin khan hmun hnai zawka duty tur Polling Party 52 ten an duty na tur hmun Lawngtlai DC Office tual atanga panin District Election Officer Pu Donny Lalruatsanga'n thataka an tihtur hlen tura duhsakna hlan chhungin a thlahliam.
Inthlanna buaipuitute hian vawiin khan mipui lamin him leh boruak nuamtak hnuaia Vote an thlak theih nan Vote thlakna tura ruahmanah te Vote thlakna tur an tifel a, Inthlanpui ah hian Electronic Voting Machine hmantur niin, naktuk zing dar 7 atangin mipui ten an aiawha LADC a roreltur thlangin Vote an thlak tan ang.
Bial 25 awmna LADC ah Candidate 80 awmin, ZPM chuan bial awm zawng zawng bial 25 an chuhkim a, MNF in bial 20 ah Candidate neiin, Congress in bial 14 ah Candidate an nei a, BJP in bial 10 Candidate neiin Independent a chuh mi 11 an awm bawk.
Tags
News