Lai Autonomous District Council, Intermediate District Council Court Bualpui (NG), Sub-Headquarters chu vawiin khan Pu C. Lalsawmzuala, LADC a Executive Member Law & Judicial Deptt. changtu chuan a hawng.
Pu C. Lalsawmzuala chuan Tuichhak tlang dung, Bualpui Ng leh a chhehvel , Pangkhua thlengin Intermediate District Council Court Bualpui (Ng) chu an chhawr tangkai a beisei tih sawiin, kan thil neih chhun te hi mipuite hian kan chhawr thiam a, kan chawi nuna kan hlutthiam a pawimawh hle a ti a, Police te nena inngheng reng tur annih avangin thawhhona tha neih a ngai hle bawk dawn a ni, a ti.
Pu C. Lalsawmzuala chuan, Judicial Officer Governor in pahnih lak a phal chu alawmawm hle a ti a. LADC chu zawi zawiin a thanglian ve mek zel a ti a, kan fa, kan naute mithiam kan neihchhoh zel hi ram leh hnam humhalhna atan thil pawimawh ber ani a ti.
Intermediate District Council Court Bualpui (Ng) Sub-Headquarters hawnna hi LADC a Executive Member Pu K. Lalthanzara'n a kaihruai a, Pu K. Lalchhankima Senior Judicial Officer, District Council Court LADC in report a pe.
6th Schedule Para-IV in, Pawi-Lakher Regional Council Act, 1954 in thuneihna a pek angin, The Pawi Autonomous District Council, Administration of Justice Rules, 1974 hnuaia Lai Autonomous District Council hian Court pathum ,District Council Court te, Intermediate District Council Court te leh Village Council Court te a nei a ni.