LADC Election ah Postal Ballot ah Vote 453 a tla. Campaign hun a tawp hnai.

 Lai Autonomous District Council Inthlanpui neih turah, inbuatsaihna tluang takin kalpui a ni a, Political Party leh Candidate leh an mahni puituten theihtawp chhuahin an Campaign mek.

LADC Inthlanpui neihturah Inthlanna buaipuitur a ruatte leh venhim hna thawktur te chuan Nilaini atang khan Postal Ballot hmangin vote an thlak a, nimin tlailam khan Vote thlak hun tawpin, hriattheih chin ah Postal Ballot hmanga Vote thlak 453  an awm.

District Election Officer, Pu Donny Lalruatsanga chuan inthlanna buaipuitur Official ten Vote an thlak ah, diktak a Vote thlak chu an ngaipaiwmawh hle tih sawiin, Official zawkte thil diklo leh rinhleh theiha an awm theihna remchang awm thei apiang chu a theih ang anga en ulukin ruahmanna siam a ni a ti.

Inthlanna buaipuitur Polling Party, hmun hla zawk panturte chuan naktuk hian Lawngtlai an chhuahsan dawn a, Campaign theih hun pawh naktuk tlai dar 4 ah a tawp ang.