Pu Lalchhandama Ralte MLA, MNF Vice President, LADC Inthlanpuia Campaign Chairman chuan, LADC Inthlanpui ah Party malin MNF chuan Sorkar an siam a beisei thu a sawi.
Pu Lalchhandama Ralte hian vawiin khan Lawngtlai Press Club ah Thuthar thehdarhtute kawmin, LADC Inthlanpui hmachhawn mek ah MNF chuan Party a rinawm hlang Candidate an neih vangin mipuiin MNF Party ah rinna an nghat tih sawiin, Term kallai ah Sorkar nasa taka buai karah pawh MNF chuan MDC rinawm tak mi 11 a nei tih sawiin, MNF in Sorkar na an chan theih chuan LADC ah Sorkar mumal zawka a kaltheih nan Anti Defection Law chu a theih ang anga neihdan ngaihtuah a ni ang a ti.
ZPM Sorkar chuan hnam hnufual zawkte a ngaihthah tih Pu Lalchhandama Ralte chuan sawiin, LADC hnuaia thawkte hlawh pawh hrek duh Sorkar ah ZPM chu puhin, Autonomous District Council pathum huamchhunga an MLA neihchhun pawh Sorkar ah awmzenei theilova siamtu an ni a ti.
Pu Lalchhandama Ralte chuan FCAA 2023 chu a tuar nasa ber tur chu ramri depa awm Autonomous District Council te an ni tih sawiin, ZPM Sorkar in he dan hman a remtih tawh do na chu chhunzawmzel a ni dawn tih sawiin, LADC ah Sorkarna an chan theih chuan District Council tha chakna hmang pawn theihtawp chhuahzui a ni ang a ti.
Pu Lalchhandama Ralte hi Tuirial bialtu MLA Pu K.Laldawngliana leh Ex-MLA Pu H.Biakzaua ten an tawiawm.
Tags
News