Lawngtlaiin chonna thar a hmachhawn mek.

Kawng hrang hrangah siamthat leh siamthar ngailo a awmtheih tak tak lova, Lawngtlai khawpui leh Lawngtlai District pawn hmalam a pantheih nan kawng hrang hrangin hmalakna kalpui thin a ni a, tunlai hian beihpui thlakna liantak tak, Ruihhlo Do leh Faina lama hmalakna kalpui a ni a, a lawmawm khawp mai.

Rampawn atanga ruihhlo luttur dangchat tura beihpui thlakna kumin kumtawp thleng awhtur Operation Jerocho chu  chaktakin Lawngtlai District ah kalpuimek a ni a, he Operation ah hian Sorkar chauh maltan lovin, Tlawmngai pawl te nen thawhdunna thatak hnuaiah beihpui thlak a ni a, a thlamuanthlakin, Operation huamchin tura ruahman a zawh hnu ah pawh tun hi hetiang hawia hmalak bultanna ah hmangin, chhunzawmzel theih nise a duhawm ngawt ang.

Hmalakna dang leh ah chuan Central YLA chuan Kohhran hrang hranga Thalai Pawl te thawhpuiah sawmin, Lawngtlai khawpuiin Faina leh thianghlimna lama hmasawnna duhawm zawk a neih theih nan beihpui thlak a ni a, sawizui tam ngailovin khawpui tan a lawmawmzia chu a hretu vek kan nih a rinawm.

Faina bakah Veng inekawlna felfai hnen ah lawmman hlan turin Bawrhsap Award kalpui mek a ni bawk.

Heng hmalam pan nana hmalakna liantak tak kalpuite hi tun dinhmun ah Lawngtlai khawpui leh District in chona thar a hmachhawn mek a ni a, hmalaa kaihruaitutur ten theihtawp an chhuah mek lai hian, mipui lam in tihtur an neihte an tihve a pawimawh a, he chonna thar hi neitu thinlung pu chunga hmachhawn a pawimawh viauin a rinawm.