Lawngtlai Auto Rickshaw Owners Association buatsaihin Dan leh Hrai inzirtirna neih a ni.

Lawngtlai Auto Rickshaw Owners Association buatsaihin nimin khan LADC Hall, Lawngtlai ah Dan leh hrai in zirtirna neih a ni.

Lawngtlai Auto Rickshaw Owners Association President Pu C.Zathianga kaihhruai ah hian SDPO, Lawngtlai Pu HS.Lalmuanpuia chuan Auto Rickshaw khalhtute chu hawihawmna nen an hna thawktur a chahin, khawpui hmel lanna an ni tih vawng reng se a duh thu a sawi a, mirinawmlo tlemte vangin khawpui leh District a mualpho thei tih sawiin, rinawm taka an hna thawkturin a chah.

Auto Rickshaw enkawltu kalkhawmte chu Lawngtlai Traffic Police te atangin Traffic Rules chungchang zirtir an ni a, a bikin Lawngtlai khawpuia Traffic Rules bawhchhiatna thlengtam zualte uar zawkin hrilhfiah an ni.

An hun hman ah hian Lawngtlai District Legal Services Authority atangin Auto Rickshaw khalhtu leh neituten an hriattur hrang hrang hrilh an ni bawk.

Lawngtlai Auto Rickshaw Owners Association hruaitute chuan Auto Rickshaw enkawltute chu mipui hmachhawntu pawimawh an nih vangin an lirthei khalh leh enkawldan mai bakah, dan hrang hrang an hriat a pawimawh vanga hetiang hi buatsaih an nih thu an sawi.