 |
| The Lawngtlai Post |
State Sorkar in rampawn atanga Mizorama ruihhlo luttur danchan beihpui, Operation Jericho a thlak mek chu Lawngtlai District chhungah pawh theihtawp chhuahin kalpui mek a ni.
Operation Jericho ah hian Lawngtlai khawpui luhka, KMMTTP kawngpui (Lawngtlai By Pass Road Junction) a Duty post chu vawiin tlai khan Lawngtlai DC, Pu Donny Lalruatsanga leh Lawngtlai SP, Pu PC Lalchunglura ten an tlawh.
Lawngtlai DC, Pu Donny Lalruatsanga chuan Ruihhlo danchah beihpui thlakna ah Tlawmngai pawl ten theihtawp an chhuah chu a thlamuanthlakin a lawmtak takzet tih sawiin, Police leh Excise lam Duty te pawh theihtawp chhuah deuh deuh turin a chah a, Sorkar beihpui thlakna Lawngtlai District a kalpui mek chuan Ruihhlo luttur a titlemin, heihian awmzia a nei nasa hle dawn a ni a ti a, Duty Post mamawh zualpui thankhat Lawngtlai DC leh SP te hian an hlan.
DC leh SP te hian Duty Post tihchangtlun dan tur an enfiah nghala, a theih ang angin District chhunga Duty Post hrang hrangte chu changtlung zawka thuam tum a nih thu an sawi.
Operation Jericho hi October 13, 2025 atangin tan niin, ruahmanlawk dan chuan Kumin kumtawp thleng awhtur a ni a, chhunzan zawmin Lirthei kalvel te nguntaka enfiah thin a ni.