 |
| The Lawngtlai Post |
Vawiin khan Lai Autonomous District Council ah NIELIT (National Institute of Electronics and Information Technology) Centre thar, Executive Member Information & Communication Technology enkawltu, Pu Lalropuia Chinzah chuan a hawng.
Hawnna inkhawm, Pu C.Lawmsangzuala, Nodal Officer, NIELIT Study Centre kaihhruai ah Pu Lalropuia Chinzah chuan, khawvel ah thiamna nasataka a than rualin, Information Technology ah LADC chuan hmasawn a mamawh takzet tih sawiin, an mamawh em em sutkian a nihtheih nan NIELIT Study Centre hawn a ni ta chu lawmawm a tih thu sawiin, NIELIT hotute chungah leh Centre hawn a nih theih nan a theihtawp chhuahtu te chungah lawmthu a sawi a, NIELIT (National Institute of Electronics and Information Technology) Study Centre chu LADC Sorkar tan hmasawnna rahbi tangkai leh hlawktak a nih ngei a beisei thu a sawi.
Pi K.L.Lalhriatchhungi, Sr.Technical Officer, NIELIT, Extension Centre, Lunglei pawhin, LADC ah Study Centre hawntheih a ni ta chuan hmasawnna duhawm zawk a thlen ngei a beisei thu sawiin, Study Centre chu a bul tan nan CCC (Course on Computer Concepts) zir nan hman phawt a ni anga, tihchangtluin chhoh zel tum a ni a ti.
LADC a Executive Secretary Pu K.Lalthanzara pawhin, LADC Sorkar in a mamawh em em, NIELIT Study Centre an neithei ta chu lawmawm a tih thu a sawi.
LADC a NIELIT Study Centre thar ah hian a rualin mi 20 ten an zir thei dawn a, NIELIT leh LADC Sorkar chuan a thahwkhat nan Kum nga chhung thawhdunna thuthlung neiin, heihi a tul dan anga ennawn zel theih a ni dawn.
Tags
News