Lai Autonomous District Council Sorkar chuan Kaladan Multi Modal Transit Transport Project kawngpui sialin a tihchhiat ni a insawi, ram neitu 138 te ram Pass chu tunkar Nilaini khan a Cancelled.
Senior Revenue & Settlement Officer, LADC in ram Pass Cancelled na a tihchhuah a, Special Judge, Prevention of Corruption in thutlukna a siam bawhzuia KMMTTP a ram pass neitu 138 te ram chu Cancelled a nih thu ziahlan a ni.
Kum tamtak chhung Lawngtlai District Land Owners Association chuan KMMTTP kawngpui sialin an ram a tichhia ni a sawiin, zangnadawmna pek an lo ngiat tawh a, vawi tamtak helai kawng laihlai pawn hnathawktute an lo dang tawh.
Lawngtlai District Land Owners Association President Pu T.Zatlunga chuan The Lawngtlai Post zawhna chhangin, an ram pass cancelled a nih chungchangah ram neitu intelkhawm, Lawngtlai District Land Owners Association chuan hmalakzui dan tur ngaihtuaha inhmuhkhawm thuai an tum thu a sawi.
Kaladan Multi Modal Transit Transport kawngpui hi Lawngtlai atanga Myanmar ram pawh a sial niin, Lawngtlai atanga Zochachhuah Kilometres 87 chu tangkai taka hman a ni tawh a, Myanmar ramchhung ah kawngpui sial hna hi thawhchhunzawm mek a ni.
Tags
News